"Раççей регионĕсем - ăнăçлă аталану" VII экономика форумне республикăри чи лайăх ял хуçалăх ертÿçисене те чĕннĕ. Вĕсем виçĕм кун Чăваш патшалăх оперăпа балет театрĕнче "Çĕр ĕçне биологи тытăмне кĕртес опытпа малашлăхĕ" çавра сĕтеле хутшăнчĕç. Хыççăнах "Агро-100" презентаци иртрĕ. Уява ЧР Министрсен Кабинечĕн Председателĕн çумĕ - ял хуçалăх министрĕ Сергей Павлов, "Агро-Инноваци" ХУП директорĕ Николай Васильев хутшăнчĕç.